16.பாராமுகம் ஏனோ

பாராமுகம் ஏனோ

பதமலர் பணிந்தேன் அம்மா

பார்வதியே பரந்தாமன் சோதரியே

முப்புரம் எரித்தவனின்

இடப்புறம் அமர்ந்தவளே

முதலும் முடிவும் நீ

மூவுலகும் நிறைந்தவளே

மாகாளி மாதங்கி

மாங்காட்டு பகவதியே

வேண்டுவதுன் திருவருளே

வேற்காட்டில் வாழ்பவளே

சம்பந்தர்க்கருள் செய்ய

பாலன்னம் கொடுத்தாயே

காளிதாசன் நாவசைத்து

காவியங்கள் படைத்தாயே

அதர்மங்கள் அழிந்திடவே

அவதாரம் எடுத்தாயே

விந்தையில்லை உன் கருணை

விளங்குவதுன் தாயன்பே

வினை தீர்க்கும் ஆனைமுகன்

அருள் செய்யும் ஆறுமுகன்

அன்னையே அருள்வாயே

உலகாளும் உமையவளே

பரமனின் நாயகியே

பாபங்கள் தீர்ப்பாயே

அகார உகார

ரூபிணியே மஹாமாயே

In English alphabet:

thaaye saranam

paaraamugam eno

pathamalar paninthen ammaa

paarvathiye paranthaaman sothariye

muppuram eriththavanin

idappuram amarnthavale

muthalum mudivum nee

moovulagum nirainthavale

maakaali maathangi

maangaattu bagavathiye

venduvathun thiruvarule

verkaattil vaazhpavale

sambandarkkarul seyya

paalannam kodutthaaye

kaalithaasan naavasaiththu

kaaviyangal padaiththaaye

atharmangal azhinthidave

avathaaram eduththaaye

vinthaiyillai un karunai

vilanguvathun thaayanpe

vinaitheerkkum aanaimugan

arul seyyum aarumugan

annaiye arulvaaye

ulagaalum umaiyavale

paramanin naayagiye

paapangal theerppaaye

akaara ukaara

roopiniye mahamaaye

All rights reserved for the poem. Leela Narayanaswamy©